Aðalfundur Sundfélagsins Ægis v/starfsársins 2019 verður haldinn miðvikudaginn 25. mars nk. kl. 18:00 á efri hæð Laugardalslaugar. 

Dagskrá aðalfundar er sem hér segir:
   1. Setning
   2. Kosning fundarstjóra og fundarritara.
   3. Skýrsla stjórnar um liðið starfsár.
   4. Reikningar félagsins lagðir fram.
   5. Umræður um skýrslu stjórnar og reikninga. Reikningar bornir upp. 
   6. Lagabreytingar (tillögur berist minnst viku fyrir aðalfund)
   7. Ákvörðun um árgjald
   8. Kosningar:
       a) Kosning formanns til tveggja ára (sitjandi formaður á eftir eitt ár af starfstíma sínum).
       b) Kosning stjórnarmanna í laus stjórnarsæti til tveggja ára (kosið verður um eitt laust stjórnarsæti)
       c) Kosning endurskoðanda og eins til vara
       d) Kosning eins fulltrúa til tveggja ára í SRR
   9. Staðfesting á tilnefningum í foreldraráð.
 10. Önnur mál.

Á fundinum verður kosið um tvö laus stjórnarsæti. Framboð til stjórnar skal tilkynna fyrir fundinn á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , eða undir viðkomandi lið á fundinum.

Lög og markmið Ægis má finna á heimasíðu félagsins. Tillögur um breytingar á lögum skulu berast formanni á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  minnst þremur dögum fyrir fundinn.

Auk sundþjálfunar byggir starfsemi Ægis alfarið á vinnuframlagi foreldra og velunnara þess. Þar með talið eru stjórnarstörf, tæknistörf, dómgæsla og vinna í foreldraráði.

• Vinna í foreldraráði felur m.a. í sér fararstjórn í æfingaferðum, umsjá fatamála og fjáröflunar og að halda utan um félagsstarf sundhópa. Leitað er að tveimur einstaklingum fyrir hvern sundhóp félagsins til að taka að sér störf í foreldraráði. 
• Árlega eru auglýst dómaranámskeið sem gefa réttindi til dómgæslu á sundmótum. Foreldrar eru hvattir til að sækja þau og í framhaldinu að dæma fyrir félagið. 

Foreldrar og aðrir þeir sem vilja gefa kost á sér í fyrrgreind störf vinsamlegast sendið tölvupóst á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Stjórnin.

Uppskeruhátíð Sundfélagsins Ægis fyrir árið 2019 var haldin um helgina. Veittar voru aldursflokkaviðurkenningar og viðurkenningar fyrir ástundun. Þá var Guðrúnarbikarinn afhentur fyrir árangur í telpna- og drengjaflokkum sem og Ægisskjöldurinn til stigahæstu sundmanna félagsins. Sjá má myndir frá hátíðinni á facebook síðu félagsins.

Aldursflokkaviðurkenningar fyrir 2 stigahæstu sund ársins 2019 hlutu:

Guðrúnarbikarinn er veittur í minningu Guðrúnar Einarsdóttur fyrrum formanss foreldra- og styrktarfélags Ægis. Guðrúnarbikar er úthlutað í telpna- og drengjaflokkum.

Ægisskjöldurinn er æðsta viðurkenning sem Ægir veitir sundfólki úr sínum röðum en þeir eru veittir í minningu Ara Jónssonar fyrrum formanns Ægis. Ægisskjöldum er úthlutað til stigahæstu sundmanna félagsins.

Sundfélagið Ægir óskar þessum frábæru sundmönnum til hamingju með árangurinn 2019.

Kæru sundmenn í Ægi og aðstandendur. Í næstu viku 6. - 10. janúar hefja Bleikjuhópar, Höfrungahópar og Laxahópar sundþjálfun skv. stundatöflu. Gullfiskanámskeiðin hefjsta síðan í vikunni þar á eftir eða þann 14. janúar. Þær breytingar hafa orðið á Bleikjuhópum að þeir byrja núna 20 mínútum seinna en á haustönn. Þjálfari í Bleikjuhópum verður Símon Geir Þorsteinsson en hann heldur einnig utan um Gullfiskanámskeiðin.

Enn er ekki hægt að skrá í hópa en opnað verður fyrir skráningar á mánudaginn 6. janúar. þá verður Reykjavíkurborg búin að opna fyrir notkun á frístundastyrk 2020. Hægt er nú þegar að skrá í Gullfskanámskeiðin ef ekki er þörf á því að nýta frístundastyrk. Bent er á að hægt er að skipta greiðslum í skráningarkerfinu. Frístundastyrkur nemur kr. 50 þús. og er fyrir börn á aldrinum 6 - 18 ára. Hann nýtist því ekki þeim börnum sem eru á aldrinum 4 - 5 ára í Gullfiskahópum.

Við bendum ykkur á að fylgjast með upplýsingum hér á síðunni og á facebook síðum hópanna varðandi skráningar.

Stjórn og þjálfarar.

Ægir leitar að þjálfara til að þjálfa Bleikjuhópa félagsins frá áramótum. Æfingatímar eru á mánudögum og miðvikudögum skv. æfingatöflu á frá 16:00 - 18:15 í innilaug Breiðholtslaugar. Bleikjur eru á aldrinum c.a. 6 - 10 ára, hafa kynnst því að vera í vatni, kafa og taka fyrstu sundtök t.d. í Gullfiskahópum Ægis og þurfa nú læra grunnatriðin í t.d. skrið- og baksundi. Bleikjur sem hafa náð tökum á sundgrein geta tekið þátt í C-mótum á vegum Sundráðs Reykjavíkur.

Áhugasamir hafi samband við Guðmund Svein Hafþórsson, yfirþjálfara félagsins á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 770-4107.